ក្រុមហ៊ុន Samsung ត្រូវបាន គេរាយការណ៍ថា មានផែនការកែតម្រូវ ចំណុចខ្លះៗរបស់ Galaxy Tab 7.0 Plus ជំនាន់ថ្មីរបស់ខ្លួន ដែលដាក់លក់លើទីផ្សារ ប្រទេស អាល្លឺម៉ង។ Galaxy Tab 7.0N នឹងមានលក្ខណៈពិសេសជាច្រើនដូចទៅនឹង Galaxy Tab 7.0 Plus ប៉ុន្តែជាមួយនឹងការ រចនាម៉ូឌមានលក្ខណៈខុសគ្នាខ្លះៗ ដើម្បី ជៀសវាងដូចអ្វី ដែលក្រុមហ៊ុនApple បានប្តឹង កាលពីកន្លងទៅ។
គួរបញ្ជាក់ថា ក្រុមហ៊ុនApple និងក្រុមហ៊ុន Samsung បាននឹងកំពុងតែមានវិវាទជាមួយគ្នា ពីបញ្ហាបច្ចេកវិទ្យា ថែមទាំងបាននឹងកំពុងធ្វើការដោះស្រាយគ្នា នៅក្នុង តុលាការផងដែរ ហើយ កាលពីឆ្នាំ២០១១ កន្លងទៅនេះ ក្រុមហ៊ុនApple ទទួលបានជោគជ័យ ក្នុងការហាមឃាត ក្រុមហ៊ុន Samsung មិនឲ្យដាក់លក់ Galaxy Tab 10.1 ។ ជាលទ្ឋផលក្រុមហ៊ុនSamsung ក៏បានផលិតនូវ Galaxy Tab 10.1N មួយទៀត ដែលបានក្លាយទៅជាប្រធានបទថ្មីមួយទៀត ដែលកំពុងតែធ្វើការចចារ គ្នាពីបញ្ហាច្បាប់ប៉ាតង់ជាមួយក្រុមហ៊ុន Apple ។
ចំពោះ Galaxy Tab 7.0N វិញ ត្រូវបានគេរំពឹងថា នឹងអាចបញ្ចប់បញ្ហាវិវាទ រវាងក្រុមហ៊ុន ទាំងពីរ ជាមួយការដាក់លក់ក្នុងតម្លៃ ៧៧០ដុល្លារ ដោយការរំខាន់អ្វីនោះទេ៕
ដកស្រងចេញពី http://www.lookingtoday.com/entertainment-news