ភ្នំពេញ:កាហ្វេ នៅតែត្រូវចាត់ទុកជាសារជាតិរំញោចមួយមិនល្អសម្រាប់សុខភាព តែការស្រាវជ្រាវមួយចំនួនបានបញ្ជាក់ផ្ទុយមកវិញពេលអ្នកផឹកកាហ្វេក្នុងបរិមាណសមស្រប ។
តាមរបាយការណ៍របស់ការស្រាវជ្រាវមួយ ដែលបានប្រកាសលើទស្សនាវដ្តី Stroke បានឱ្យដឹងថា ស្ត្រីដែលផឹកកាហ្វេមួយពែងក្នុងមួយថ្ងៃមានការប្រឈមនឹងជំងឺស្ត្រូកទាបជាង ២៥ភាគរយធៀបនឹងអ្នកផឹកតិចជាង។ ពួកអ្នកស្រាវជ្រាវបានតាមដានស្ត្រី ប្រមាណ៣៥.០០០នាក់ មានអាយុពី ៤៩ដល់៨៣ឆ្នាំ ក្នុងរយៈពេល១០ឆ្នាំ និងបានរកឃើញអត្រាថយចុះជំងឺស្ត្រូកនៅក្នុងចំណោមអ្នកឧស្សាហ៍ផឹកកាហ្វេ នៅតែរក្សាបានក្រោយពេលគិតគូរកត្តាទាំងឡាយ ដូចជា តួលេខBMI លើសឈាម, ការប្រឈមកើតជំងឺទឹកនោមផ្អែម និងទម្លាប់ជក់បារី ។
Joy Bauer ជំនាញការសុខាភិបាលអំពីសារជាតិជីវជាតិរបស់ Everyday Health និង The Today Show ចាត់ទុកថា ៖ “កាហ្វេផ្គត់ផ្គង់សារជាតិអុកស៊ីតកម្ម- សារជាតិនាំមកផលប្រយោជន៍យ៉ាងច្រើនសម្រាប់សរីរាង្គ” ។
ក្រៅពីលទ្ធភាពធ្វើឱ្យថយចុះគ្រោះថ្នាក់កើតជំងឺស្ត្រូក, កាហ្វេនៅធ្វើឱ្យថយចុះអត្រារីកចម្រើនបណ្តាបញ្ហាសុខភាពខាងក្រោមនេះ ៖
១-ជំងឺទឹកនោមផ្អែម
ពួកអ្នកស្រាវជ្រាវមហាវិទ្យាល័យកាលីហ្វ័រញ៉ា បានរកឃើញក្នុងចំណោមស្ត្រីផឹកកាហ្វេ៤ពែងក្នុងមួយថ្ងៃ មានប្រមាណ៦០ភាគរយ ពុំសូវរីកចម្រើនជំងឺទឹកនោមផ្អែមប្រភេទ២ ធៀបនឹងអ្នកមិនផឹក ។ កាហ្វេមានសារជាតិរ៉ែជាច្រើនដូចជា ម៉ាញ៉េស្យូម, ក្រូម អាចគ្រប់គ្រងបានបរិមាណស្ករក្នុងឈាម ។
២-មហារីកស្បែក
តាមការស្រាវជ្រាវនៅមហាវិទ្យាល័យ Rutgers សត្វកណ្តុរត្រូវរលាកដោយកម្តៅថ្ងៃ ពេលត្រូវបានឱ្យផឹកទឹកមានផ្ទុកកាហ្វេអ៊ីន និងរត់ក្នុងកង់ឡានបង្វិលនឹងធ្វើឱ្យថយចុះគ្រោះថ្នាក់ត្រូវមហារីកស្បែក ។ ដូច្នេះ ពេលធ្វើការស្រាវជ្រាវក្រោមកម្តៅព្រះអាទិត្យ ចូរអ្នកផឹកកាហ្វេដើម្បីការពារស្បែក របស់ខ្លួនផុតពីគ្រោះថ្នាក់របស់កាំរស្មី។
៣-តានតឹង
ក្លិនក្រអូប អាចមានឥទ្ធិពលទៅដល់ដំណេករបស់អ្នក ។ ពិសេសពេលអ្នកដេកមិនលក់ ឬតានតឹងជ្រុល ក្លិនកាហ្វេនឹងជួយអ្នកមានអាម្មណ៍ល្អជាង ព្រោះពពួកម៉ូលេគុលក្នុងក្លិនកាហ្វេ នឹងរំញោចសកម្មភាពរបស់ហ្សែនការពារ កោសិកាសរសៃប្រសាទចៀសផុតពីភាពតានតឹង ។
៤-ដង្កូវស៊ីធ្មេញ
កាហ្វេ អាចប្រឆាំងតបដង្កូវស៊ីធ្មេញ ។សារជាតិចម្រុះ trigonelline មាន ក្នុងកាហ្វេ មានលក្ខណៈប្រឆាំងបាក់តេរី ពពួកបាក់តេរីបង្កដង្កូវស៊ីធ្មេញដូចជា Streptococus ឥទ្ធិពលដល់កាចាធ្មេញ ។
៥-ជំងឺ Parkinson
នេះជាព័ត៌មានល្អសម្រាប់គ្រួសារ មានប្រវត្តិមានអ្នកកើតជំងឺនេះ៖ តាម ពួកអ្នកស្រាវជ្រាវមហាវិទ្យាល័យសុខាភិបាល Duke, ពួកអ្នកផឹកកាហ្វេជាប្រចាំ ពុំសូវមានលទ្ធភាពរីកចម្រើនជំងឺទ្រុឌទ្រោមសរសៃប្រសាទ ។ បច្ចុប្បន្ននេះ ពួកអ្នកវិទ្យាសាស្ត្រនៅតែប្រឹងប្រែងរកភស្តុតាងដើម្បីបញ្ជាក់ថា កាហ្វេអ៊ីនក្នុងកាហ្វេ(ក៏ដូចនៅក្នុងតែ) អាចកម្ចាត់បានហ្សែន GRIN 2A ជួយបន្ថយគ្រោះថ្នាក់កើតជំងឺនេះ ។
៦-មហារីកដោះ
ស្ត្រីផឹកកាហ្វេ Scadinavian ច្រើនជាង៤ដងក្នុងមួយថ្ងៃ មានការប្រឈមកើតមហារីកដោះតិចជាងអ្នកមិនផឹក ឬផឹកតែម្តងក្នុងមួយថ្ងៃ ។ មូលហេតុ គឺ ដោយសារកាហ្វេនោះមិនត្រូវចម្រាញ់ វាផ្ទុកច្រើនជាង៨០ដងបរិមាណអាស៊ីតខ្លាញ់ ធៀបនឹងប្រភេទដទៃ ។ កាហ្វេធ្វើឱ្យកោសិកាមហារីកលូតលាស់យឺត ។
៧-ជំងឺសរសៃឈាមបេះដូង
ពួកអ្នកស្រាវជ្រាវហុល្លង់ បានសង្កេតឃើញថា ពួកអ្នកផឹកពី២-៤កែវ កាហ្វេក្នុងមួយថ្ងៃ មានគ្រោះថ្នាក់កើតជំងឺបេះដូងទាបជាង២០ភាគរយ ធៀបនឹងអ្នកផ្សេង ។ Keri M. Gans, អ្នកនាំពាក្យរបស់សមាគមជីវជាតិអាមេរិកឱ្យដឹងថា មូលហេតុ គឺដោយសារសារជាតិប្រឆាំងអុកស៊ីតកម្មក្នុងកាហ្វេមានឥទ្ធិពលការពារសរសៃឈាមបេះដូង ។
៨-មហារីកខួរក្បាលនិងមហារីកក្រអូម-ក
ថ្វីត្បិតព័ត៌មានទាំងឡាយអំពីលទ្ធភាពប្រឆាំងមហារីករបស់កាហ្វេ ត្រូវច្របូកច្របល់, តែពួកអ្នកស្រាវជ្រាវជនជាតិអ៊ីតាលី បានរកឃើញថា កាហ្វេអ៊ីនក្នុងកាហ្វេ មានលទ្ធភាពការពារសរីរាង្គប្រឆាំងតបគ្រោះថ្នាក់ត្រូវមហារីកខួរក្បាល និងមហារីកក្រអូម-ក ។ ធៀបនឹងអ្នកតមផឹកកាហ្វេ, គ្រោះថ្នាក់កើតជំងឺនេះរបស់អ្នកផឹកកាហ្វេច្រើនជាង៤កែវក្នុងមួយថ្ងៃ ថយចុះ៤០ភាគរយ ។
ប៉ុន្តែ ពួកជំនាញការសុខាភិបាល ក៏ទូន្មានអ្នកគួរផឹកកាហ្វេមានកម្រិត ។ ការប្រើប្រាស់វាច្រើនជ្រុល អាចធ្វើឱ្យដំណើរត្រូវរអាក់រអួល ឬដេកមិនលក់, ឈឺពោះ, ឈឺបេះដូង, តានតឹង, ពិបាកទ្រាំ និងចង់ក្អួត ។ ចូរចាំថា ត្រូវលាយកាហ្វេជាមួយទឹកដោះគោ ឬស្ករបន្តិច គឺមិនផឹកកាហ្វេជាមួយក្រែម ឬស៊ីរ៉ូ ដើម្បីបន្ថយអប្បបរមាគ្រោះថ្នាក់ត្រូវស្ត្រូក និងកើតជំងឺទឹកនោមផ្អែម ។
ក្រៅពីនេះ ពួកវេជ្ជបណ្ឌិតទូន្មានថា ស្ត្រីមានគភ៌ ឬអ្នកលើសឈាម ឬ បរិមាណស្ករក្នុងឈាមខ្ពស់ គួរផឹកកាហ្វេមានកំណត់ ។ ប្រសិនអ្នកយកចិត្តទុកដាក់ដល់កាហ្វេ និងចង់ប្រើប្រាស់វាដោយសុវត្ថិភាព, ចូរនិយាយជាមួយវេជ្ជបណ្ឌិត ដើម្បីបានពាក្យទូន្មានសមស្របបំផុត ៕
ENTERTAINMENT 